ಈ ಕೆಳಗಿನೆ ಛಾಯಾ ಚಿತ್ರ ಗಳನ್ನು ನೋಡಿ ನೀವು ಅಂದ್ಕೊಳ್ಬಹುದು.. ಈತ ಈಗ ಯಾವ ಕಾಲದಲ್ಲಿ ಇದನ್ನು post ಮಾಡಿದ್ದಾನೆ ಎಂದು. ಏನು ಮಾಡುವುದು ಸ್ವಾಮಿ.. ತಿನ್ನೊವಾಗ ನೆನೆಪು ಬಂತು. ಹಾಗೇ ಬೇಸಿಗೆ ಕಾಲದಲ್ಲಿ ತೆಗೆದ ಚಿತ್ರಗಳು cameraದ flash card ಒಳಗೆ ಬೆಚ್ಚಗೆ ಕೂತಿದ್ದವು.. ಹಪ್ಪಳ ಡಬ್ಬದಲ್ಲಿ ಇದ್ದಹಾಗೆ.
ಇಂದಿನ ಕಾಲದಲ್ಲಿ, ಕೈ ತುಂಬಾ ಹಣ ಇರುವಾಗ, ready made ಹಪ್ಪಳ, ಬೇಕರಿ ತಿಂಡಿಗಳು ಸಿಗುವಾಗ, ಈ ಹಪ್ಪಳ ಮಾಡೋ ಮಂಡೆ ಬಿಸಿ ಯಾರಿಗೆ ಬೇಕು? ನೀವು ಏನೇ ಹೇಳಿ.. ಹಪ್ಪಳದ ನಿಜವಾದ ರುಚಿ ಇರುವುದು ತಿನ್ನುವುದರಲ್ಲಿ ಅಲ್ಲ.. ಅದನ್ನು ಮಾಡುವುದರಲ್ಲಿ. ಮನೆಯ ಎಲ್ಲಾ ಸದಸ್ಯರು ಒಟ್ಟಾಗಿ ಕುಳಿತು ಮಾಡುವ ತಯಾರಿಗಳು, ತೇಲಿಬರುವ ತಮಾಶೆ ಮಾತುಗಳು; ಎಲ್ಲದರಲ್ಲೂ ಒಂಥರಾ ಮಜಾ ಇರತ್ತೆ.
ನಮ್ಮ ಮನೇನಲ್ಲಿ ಈ ವರ್ಷದ ಹಪ್ಪಳದ ವಿಷೇಶ ಏನೆಂದರೆ.. ಅದರ ಮೂಲ ವಸ್ತು ಗೆಣಸು ನಮ್ಮ ಗದ್ದೆಯಲ್ಲೇ ಬೆಳೆಸಿದ್ದು. ಅಂದರೆ purely Home Made ಹಪ್ಪಳ!!!